Ұлы ақынға құрмет

Абайдың тағылымы – халқымыздың адамгершілік бағдарын айқындайтын өмірлік ұстаным. Мемлекет басшысы Қасым-Жомарт Тоқаев Ұлы ақынның туған күніне орай жолдаған құттықтауында оның «Толық адам» тұжырымдамасының терең мәніне тоқталды. Қарағандыда ұлы ойшылдың рухани мұрасына тағзым етілді. Ақын ескерткішіне гүл шоқтары қойылып, Гоголь атындағы кітапханада әдеби-танымдық кеш өтті.