Қарағанды облыстық «SARYARQA» телеарнасы 65 жыл (1958 жылдың 31 тамызынан бастап) облыс пен республиканың қоғамдық-саяси, экономикалық және әлеуметтік өмірін жариялау, ресми хабарларды тарату, республикалық және облыстық мемлекеттік билік пен басқару органдары қабылдайтын шешімдерді түсіндіру, облыс тұрғындарының объективті ақпаратқа қажеттілігін қанағаттандыру бойынша міндеттерді кәсіби орындайды.

Мемлекет басшысының қызметін (оның ішінде жыл сайынғы Жолдаулар, мақалалар мен сұхбаттар) іске асыру және түсіндіру барысы, облыстың әлеуметтік-экономикалық дамуы, өңірдің индустриялық-инновациялық даму стратегиясы, облыс әкімінің бағдарламаларын іске асыру «SARYARQA» телеарнасының контентінде кең ауқымда барынша толық көрініс табады: әрбір үш сағат сайын тікелей эфирде шығатын мемлекеттік және орыс тіліндегі жаңалықтар, тікелей эфирлер, ток-шоулар, тарихи-ағартушылық, танымдық және ойын-сауық телебағдарламалары.

Бүгінгі таңда телеарна эфирінде 30-дан астам телебағдарламалар (оның ішінде 17 - мемлекеттік тілде, 15 - орыс тілінде) эфирге шығады. Оларда облыс өмірінің барлық саласындағы өзгерістер, мемлекеттік бағдарламалардың іске асырылуы және басқа да қоғамдық маңызы бар тақырыптар қамтылады.

Техникалық тұрғыдан «SARYARQA» телеарнасы өңірде бірнеше позиция бойынша көш бастап тұр:

• «OTAU TV» ұлттық спутниктік операторы арқылы барлық Қарағанды облысын және елдің барлық аумағын қамти отырып, спутниктік хабар таратуды жүзеге асырады.

• DVB-T2 стандартындағы халықты цифрлық эфирлік телехабар тарату желісімен (спутникті пайдаланбай) қамту 96% - ды құрайды.

• Тікелей эфирде шығатын ақпараттық жаңалықтардың күнделікті шығуын кәсіби түрде қамтамасыз етеді.

• Ең ірі және бай бейнеархивке ие. Қазіргі заманғы техникалық жарақтандырылуы бар: 5-камералы «Sony» студиялық кешені, жаңалықтарда 3-камералы «BlackMagic» студиялық кешені, 10 дана «Sony» телевизиялық журналистік камералары (ТЖЖ), 3 кәсіби квадрокоптер, GSM мобильді байланысы арқылы кез келген нүктеден ақпарат, бейнефайлдар алмасу жүйесі, көпкамералы жылжымалы телевизиялық кешен.

• Жоғары сапада медиа-контентті жедел жасауға мүмкіндігі бар «Сinegy» лентасыз өндірістің автоматтандырылған жүйесі интеграцияланған өңірдегі жалғыз арна.

• Телеарнада екі түсірілім павильоны бар: үлкен студия - 300 ш.м., кіші павильон - 50 ш.м.

• Телеарна «ID TV», «Alma TV», «Ювис» және басқа да ірі операторлар мен кабельдік желілердің цифрлық пакеттеріне кіреді.