Өзекті мәселелер күн тәртібінде

Приозерскіде жылыту маусымына дайындық аяқталуға жақын. Қалада жылу беру 10 қазанда басталады деп жоспарланған. Жаз айларында қазандық жабдықтары жөнделіп, жылу және су құбырлары жаңартылды. Коммуналдық нысандардың қысқы маусымға дайындығын Қарағанды облысының әкімі Ермағанбет Бөлекпаев жұмыс сапары барысында тексерді. Өңір басшысы нысандарды аралағаннан кейін қала тұрғындарымен кездесті.