Өндіріс – өңір дамуының қозғаушы күші

Биыл Қарағанды облысында жалпы құны 300 миллиард теңгеден асатын 44 инвестициялық жоба жүзеге асырылмақ. Өңірде жаңа өндіріс орындары бой көтеріп, жылу электр орталықтарын жаңғырту және кеңейту жұмыстары жүргізілуде. Халықты табиғи газбен қамту бағытындағы ауқымды газдандыру жобалары қарқынды жалғасуда. Осы және өзге де ірі өнеркәсіптік әрі инфрақұрылымдық нысандардың жұмысымен ҚР Премьер-министрдің бірінші орынбасары Нұрлыбек Нәлібаев жұмыс сапары барысында танысты.