Қарағанды қаласының Әлихан Бөкейхан ауданының Орталық саябағында Конституцияның 30 жылдығына арналған кең ауқымды форум ұйымдастырылды. Іс-шараға үш мыңға жуық тұрғын қатысты. Қала тұрғындарына білікті заңгерлер құқықтық көмек көрсетіп, түрлі бағыттар бойынша кеңестер берді. Форум аясында жас мемлекеттік қызметшілер салтанатты түрде ант беріп, полиция мен әскери қызметкерлерге марапаттар табысталды. Сонымен қатар, мектеп бітіруші түлектерге білім гранттары тапсырылды.