Қарағандыда күштік құрылымдар арасында спорттық самбодан жарыс өтті. ҚР Ішкі істер министрлігінің XII спартакиадасы және «Динамо» дене шынықтыру-спорт қоғамының бағдарламасы аясында өткен ведомствоаралық спартакиада елдің түкпір-түкпірінен келген 19 командадан құралған 149 қатысушыны жинады. Екі күн бойы спортшылар рух мықтылығын, төзімділікті және жеңіске деген жігерін көрсетті.