Қарағандыда жекеменшік клиниканың басы дауға қалды. 20-ға жуық емделуші буын ауыстыру операциясынан кейін көк ірің таяқшасы ауруын жұқтырғанын айтады. Енді олар мүгедектік, ал кейбіріне аяқ-қолды кесу қаупі төнуде. Кейбір пациенттер тіпті сепсис салдарынан өлім құшуы мүмкін. Зардап шеккендер індетті дәл осы ауруханада жұқтырғанына сенімді. Қазір олар денсаулығын қалпына келтірумен қатар, әділдікке қол жеткізу үшін күресуде.